Haaland-a'n Norway a chakpui

World Cup qualifier-ah Norway-in an chet ṭhat an chhunzawm zel a, khualmualah Estonia chu 1-0 in an hneh - Erling Haaland chuan inkhela goal awmchhun a khung.

Norway hian World Cup qualifier match li an khelh tawhah hnehna an chang vek a, group I-ah Israel, Italy, Estonia leh Moldova te nen group khatah an awm ho - group hmahruaitu hi World Cup khel turin an tling dawn.

World Cup 1998 hnuah khan Norway hian khawvela ennawm ropui ber, tih hiala hming lem an pek inelna hi an la khel leh lo a, USA, Canada leh Mexico-in an inthlen ṭawm tur inelna hi khelh ngei an tum.

Norway hian Manchester City striker Haaland bakah hian Atletico Madrid striker Alexander Sørloth, Arsenal captain Martin Ødegaard, Borussia Dortmund fullback Julian Ryerson leh RB Leipzig winger Antonio Nusa te ho an kawl a, player langsar dang an la nei nual bawk - World Cup an beisei a nih pawhin dem tur an ni lo e.