Pochettino enkawl USA an mualpho

Mauricio Pochettino enkawlna hnuaiah United States chuan nimin zing khan Switzerland nen friendly match an khel a, inkhel ṭan aṭanga minute 36 chhungin goal li ngawt an chhuah hman - inkhel entu lamin an auel hial a ni.

Geodis Park-ah US an mualpho a, an match hnuhnung paliah an chak lo vek - kum 2007 hnu lamah a zawna an chak loh rei ber ṭum an tawng mek, beiseina sang tak nana an lak Poch hnuaiah result an nei ṭha lo hle.

USA hi World Cup 2026 thleng tur zinga mi an ni a, team ṭha tak indin an duh. Mahse, March chinah Panama, Canada, Turkey leh Switzerland te an hmachhawn a, hmasawnna leh chanchin lawmawm lam sawi tur an nei meuh lo.

Pochettino enkawlna hnuaiah hian match 10 khel tawhin vawi nga an chak a, an chak zat chiah hi an tlawm bawk. World Cup hmain kum khat vel chauh hun a awm tawh, team nghet din tur chuan muangchan a hun tawh lo hle a ni.