Dortmund-in Chelsea dilna hnawl

Chelsea-in Borussia Dortmund aṭangin pound maktaduai 42-in English winger Jamie Gittens lakchhuah an tum a, English club dawrna hmasa hi Borussia Dortmund hian an hnawl.

Dortmund manager Niko Kovac hnuaiah England U21 international Gittens hian khelhna hmun chang pha lo mah se German club hian Gittens hi awlsam taka chhuahtir an tum lo. Indawr nasa a hlawhchham avangin Gittens hian Blues a zawm dawn a nih pawhin Club World Cup zawh lam ni tura ngaih a ni.

Blues hian AC Milan goalkeeper Mike Maignan pawh lak tumin an hel a, player agent hian San Siro chhuahsan a duh niin a sawi. English club-in Maginan an ngamna hi euro maktaduai 15 chin niin sawi a ni a, mah se Milan lamin aia tam an phut avangin Blues hian dawr zui an tum ta lo.

Cheslea hian goalkeeper pali Robert Sanchez, Filip Jorgensen, Djordje Petrovic leh Mike Penders te an nei a, Club World Cup-ah player pali hian khelhna hmun a inchuh ang .