ADFA-in Inter Village Football buatsaih dawn

12th June, 2025

Aizawl District Football Association (ADFA) chuan 2025-2026 season hmalak dan tur president thar Lalbiakthanga Khiangte, IPS (Rtd) te in Durtlang North-ah June 6, Zirtawpni khan an nei a, an hmalak dan tur zingah Inter Village Football pawh a tel.

ADFA hian 2025-2026 Season calender-ah I Division League, II Division Tournament, ADFA Cup 2026, Inter Village Football Tournament, kum bithliah inelna (mipa) leh Inter Zone Womens Football Tournament te a tel a ni.

Aizawl District huamchhung tan ADFA hian veng/khua inelna a buatsaih ṭhin a, a hlawhtling ṭhin hle. Tun ṭuma inelna an buatsaih tur hi tun season ni mah se nakkuma lama neih a nih a rinawm.