Quarter final-ah Keys a lut

Queen’s Club Championships khelh laiah Madison Keys chuan quarterfinal a lut - American star hian Anastasia Zakharova hnehin a thiam zual pariat zingah hian a inhlangkai a ni.

Nilaini zan inkhelah Keys hi a tirah han hniam zawk hmasa zauh mah se a tho chhuak vat a. A khingpui service hi vawi nga ngawt chhuhsak chungin 6-3 6-2 in hnehna a chang.

Australian Open champion Keys chuan, "Kumin atan grass court-a ka inkhelhna hmasa ber a nih avangin a awlsam lo hle, player ṭha leh ball vaw na tak laka ka ding tlang thei hi ka lawm," tiin a sawi.

Tennis grass court season an hmang ṭan chho mek, inelna lian Wimbledon khelh hmain player hrang hrang ten tournament tenau zawk an khel mek a ni.