Jack Grealish tel lohna Manchester City

Manchester City manager Pep Guardiola chuan FIFA Club World Cup khel tur squad a puang a, player 27 hming tarlan zingah Jack Grealish a tel lo a, an player lak thar pali te chu telh an ni thung.

England forward Grealish hian Aston Villa aṭangin 2021 khan City hi a zawm, pound maktaduai 100 man niin British player man tam ber a ni hial - Etihad Stadium a pan hnuah Premier League nomawi pathum leh Champions League bakah nomawi dang pawh a chawi tawh.

Mahse, tun hnaiah a khel phak meuh lo - season hmasa pawh khan league match pasarihah chiah inkhel bul a ṭan phak. Nipui bazar chhungin chhuak tur angin thawm a ri mek a, squad-ah telh a nih loh takah chuan a chhuak dawn tih nemnghehna tluk a ni.

Grealish tana hmun a awm loh lai hian, tun hnaia an lak - Rayan Cherki, Tijjani Reijnders, Rayan Ait-Nouri leh Marcus Bettinelli te chu telh an ni vek; thlasik bazar laia an lak Omar Marmoush, Abdukodir Khusanov leh Vitor Reis te pawh an tel.

Man City hian an group match hmasa berah Moroccan club Wydad Casablanca an tum dawn, chumi hnuah Juventus leh Abu Dhabi club Al Ain te an hmachhawn leh dawn a ni.

Man City Squad:

Goalkeepers: Marcus Bettinelli, Stefan Ortega, Ederson.

Defenders: Ruben Dias, John Stones, Nathan Ake, Rayan Ait-Nouri, Vitor Reis, Josko Gvardiol, Manuel Akanji, Abdukodir Khusanov, Rico Lewis.

Midfielders: Nico Gonzalez, Rodri, Ilkay Gundogan, Tijjani Reijnders, Bernardo Silva, Matheus Nunes, Rayan Cherki, Claudio Echeverri, Phil Foden, Oscar Bobb, Nico O’Reilly.

Forwards: Omar Marmoush, Erling Haaland, Savinho, Jeremy Doku.