Alonso enkawl Real Madrid

Real Madrid chuan an manager thar Xabi Alonso enkawlna hnuaiah bung thar an kai dawn - Club World Cup hi vawi nga an champion tawhna ni mah se, kuminah erawh mi dang ang bawkin team thar an ni dawn.

Alonso hian Carlo Ancelotti hmunruak a luah - Italian manager Ancelotti hian Brazil enkawlin boruak hran a hip san tawh. Nikum lama a team din tawh sa chu Alonso hian a chhawm dawn a, nipui bazarah an la chet vak loh avangin an khelh dan phung a la danglam lutuk lo mai thei.

Dani Carvajal, Eder Militao leh Eduardo Camavinga te chu squad-ah telh ni mah se hliam vangin an inkhelh a rinawm loh a, midfielder ṭha Jude Bellingham chu Club World Cup zawh hnuah a dar zai tur a ni bawk.

Real Madrid tan hian Luka Modric chu a la inlan dawn - Croatian midfielder hi kum 39 mi ni tawh mah se a la chhawr tlak a, match zawng zawngah khel tura beisei chi ni tawh lo mah se, a tawnhriat tam tak hi midang tan a la ṭangkai dawn a ni.

Spanish club lian hi Group H-ah awmin, June 18 hian Saudi Arbian club Al-Hilal nen an match hmasa an khel dawn, chumi hnuah Mexican club Pachuca leh Austrian club RB Salzburg te an tum leh ang.

Tun hnai kha Al-Hilal hian Inter Milan coach hlui Simone Inzaghi an lalut a, Italian manager Aleksandar Mitrovic, Joao Cancelo leh Kalidou Koulibaly te bakah Newcastle striker hlui Salomon Rondon an nei a, khingpui awlsam an ni dawn lo.

Real Madrid Squad:

Goalkeepers: Thibaut Courtois, Andriy Lunin, Fran Gonzalez, Sergio Mestre.

Defenders: Dani Carvajal, Eder Militao, David Alaba, Trent Alexander-Arnold, Lucas Vazquez, Fran Garcia, Antonio Rudiger, Ferland Mendy, Dean Huijsen, Yusi, Jacobo Ramon, Raul Asencio, Diego Aguado.

Midfielders: Jude Bellingham, Eduardo Camavinga, Fede Valverde, Luka Modric, Aurelien Tchouameni, Arda Guler, Dani Ceballos, Chema Andres, Mario Martin.

Forwards: Vinicius Junior, Kylian Mbappe, Rodrygo, Endrick, Brahim Diaz, Gonzalo Garcia, Victor Munoz.