Chhiat tawkte tan volleyball match

Mizoram Volleyball Association chuan khuarel chhiatna avanga harsatna tawkte pualin June 20, Zirtawpni zan dar 7:45 hian LPS Arena, Falkland-ah Charity Volleyball Match leh show a buatsaih dawn.

He hunah hian Mizoram player ṭha awmna Thutak Nunpuitu Team (TNT) leh Tuichangral Volleyball Club-te an inkhel dawn a ni. Volleyball match bakah hian zai thiam a zai dawn bawk a ni.

May 24 aṭanga June 11 thlenga ruahsurah Mizoram pumah leimin hmun 771 ah a awm niin State Emergency Operation Centre (SEOC) chuan a chhinchhiah a. Leimin leh ruahsur nasa tak avang hian mi 5 laiin nunna an chân tawh niin report a lut bawk. Kan Mizopui te'n hetiang chhiatna nasa tak an tawk chu MVA chuan pawi a tiin a tawrhpui tak zet a ni.

Khuarel chhiatna avanga harsatna lo thleng avanga ruahmanna rawn chhuak hi mipui ten thinlung taka lo thlawp a, tlem lua awm lo, tam lua awm lo a ṭanpuina pawisa thawhkhawm turin leh ticket zawrhte tlawmngaia leisak turin MVA chuan Mizoram mipui a sawm a ni.