Bayern hmaah Auckland City

FIFA Club World Cup-ah Pathianni zan dar 9:30 hian TQL Stadium, Cincinnati-ah Bayern Munich leh Auckland City te an inkhel dawn. Vincent Kompany kaihhruai Bayern hi champion thei tur khawpa ṭha an nih laiin Auckland City erawh team nem ber tur zinga mi an ni thung.

New Zealand club captain Mario Ilich chuan, "Club World Cup chu kan khel fo tawh a, chutihrualin kan hriat tur chu 11 leh 11 kan inbei dawn. Zat leh zata inkhel tur kan ni a, kan theihtawp kan chhuah dawn," tiin a sawi.

Auckland City captain hi professional footballer a ni lo a, player dangte pawhin football khel pahin eizawnna dang an nei hlawm. Ilich hian Coca Cola a zuar ṭhin a, chutiang bawkin player dangte hi lu mettu, zirtirtu, real estate agent leh zirlai te an ni.

Hetihlai hian Vincent Kompany kaihhruai Bayern erawh Bundesliga champion an ni a, Belgian manager hnuaiah hma an sawn. Tun inelna thleng bak Bayern tana khel tawh lo tur Thomas Muller vang tal pawhin German club hian champion an duh ang.