Quarterfinal-ah Zverev a lut

Wimbledon inbuatsaihna zinga mi Stuttgart Open khelh laiah, seeded pakhatna Alexander Zverev chuan Corentin Moutet chu 6-2, 7-6(7) a hnehin quarterfinal a inhlangkai.

French Open khelh zawh takah khan Zverev hi quarterfinal-ah a tla, grass court inelna lian lamah hmasawn tumin a bei mek a, inbuatsaihna pawh a nei ṭha rih hle.

Grass court hi Zverev tan hmun ṭha a ni ngai lo, nomawi 24 a vuak chhuah tawhte hi grass ni loah vek a ni. Grand Slam final vawi thum khel tawh hian kuminah danglamna thlen a tum ruh hle a ni.

Wimbledon inbuatsaihna tournament dang Libema Open pawh khelh mek a ni a, seeded pakhatna Daniil Medvedev chuan tun hma lama lo champion tawh Adrian Mannarino chu 7-6(6), 6-4 a hnehin quarterfinal a lut ve bawk.