Liverpool-ah Bronckhorst lut dawn

Netherlands legend Giovanni van Bronckhorst chuan Liverpool coaching team a zawm dawn a, he thuziak i chhiar meuh chuan a zawm fel tawh hial mai thei - Arne Slot-a hnuaiah assistant coach a ni ang.

Liverpool assistant coach John Heitinga chuan Merseyside club hi Ajax enkawl turin a chhuahsan a, Reds hian khaw dang hawi loin Dutch mi tho, tawnhriat nei ṭha Van Bronckhorst an la lut dawn ta a ni.

Kum 50 mi Van Bronckhorst hian Feyenoord, Rangers leh Besiktas a lo enkawl tawh a, Feyenoord hi Dutch league-ah a lo champion pui tawh - Arne Slot pawhin Dutch club hi league nomawi a lo chawipui tawh.