City-in Nypan la dawn

Manchester City an inthuam chak zel a, Rosenborg aṭanga rawlthar duhawm Sverre Nypan la lut turin Norwegian club hi inremna an neihpui - kum 18 mi midfielder manah City hian pound maktaduai 12.5 an pe ang.

Hetihlai hian player erawh City hian inremna an la neihpui lo a, kum 2030 thleng an hnena khel turin contract an zawrh niin khawthlang media-te chuan an tarlang.

Nypan hi Arsenal, Aston Villa leh Girona te pawhin lakluh tumin an hel a, a tawpah chuan City-in an chang ta. Hetihrual hian Manchester khaw club hian an chhawr nghal dawn lo a, season khat chu loan-in a chhuak leh phawt ang.

Norway Under-21 international hi Rosenborg academy chhuak niin, senior team tan match 75 ngawt a khelhsak tawh a, hetih chhung hian goal 14 khungin, assist 11 a nei. July 2024-a Manchester United nen friendly match an khelh khan bul a ṭan a, 1-0 in an chak.