Hazard dinhmun a ṭha - Martinez
Belgium coach Roberto Martinez chuan a midfielder Eden Hazard chu a hliam a dam tawh thu a sawi, khelmual chhunga a inlan theih hun tur erawh a la chiang lo.
Kum 29 mi Hazard hi nikum nipui lai khan Chelsea aṭangin Real Madrid a pan. Spanish club tan hian beisei a phak lo, match 15 a khelh aṭangin goal khat chiah a la khung - hliam vangin a buai deuh reng a, a duh leh tum ang chuan a khel rih lo hle.'
Martinez chuan, "A dam thawkhat tawh, inkhel turin a inpeih har tawh lo ang. Madrid khawpui aṭanga hmun danga kal tur chuan a la inpeih lo mai thei, chutih rual chuan Eden hliam chungchangah chuan chanchin ṭha lam a ni," a ti.