Mizoram muaythai team an hlawhtling

6th National Muaythai Cham-pionship neih zawh takah Mizoram team an hlawhtling hle. Mizoram hian gold medal 10, silver medal pakhat leh bronze medal pathum, a vaiin medal 14 ngawt an hlawh chhuah a ni.

Inelna hi Rohtak Haryana-ah neih niin, state hrang 23 leh union territory 3 aṭangin fighter 1250 an fuankhawm. Mizoram aṭangin player 17 feh chhuakin, official pali in an hruai a ni.

Mizoram tan junior 51kg huanga gold medal latu Reuben Lalnunthara, Vaivakawn chu Bahrain-a neih tur Asian Youth Games-a India aiawh tura thlen a ni nghal bawk.

Sports minister Lalnghinglova Hmar chuan, ""National Muaythai Championship 2025 zawhfel takah Mizoram in gold medal 10, silver medal 1 leh bronze medal 3 kan dawng hi lawmawm ka ti a, player, official leh Muaythai Association of Mizoram hruaitute thinlung takin ka chhuangin ka lawmpui a ni," a ti.

Tetea Hmar hian India aiawh tur Reuben Lalnunthara, Vaivakawn chu a lawmpuiin duhsakna sang ber a hlan tih a sawi bawk.