Ballon d’Or ka beisei - Cherki

Manchester City midfielder thar Rayan Cherki chuan a club tharah chuan Ballon d'Or a dawn theih a beisei thu a sawi chhuak - France international hian tun nipuiah pound maktaduai 30.9-in City hi Lyon aṭangin a zawm.

Cherki chuan, "Rodri-a'n City-a khel chunga Ballon d’Or a dawn khan, he club aṭang hian khawvela ṭha ber a nih theih tih a lang a, keipawh Rodri-a tih ang tive turin ka lo kal a ni," a ti.

Lyon midfielder hlui hian Manchester United laka phuba lak a châk thu a sawi bawk. Lyon hian Europa League quarterfinal-ah khan 7-6 in United an ngam lo a, first leg-ah 2-2 a inhnehtawkin, second leg-ah 5-4 in an tlawm zui - Cherki hian inkhel pahnihah goal a khung ve ve

Kum 21 mi midfielder chuan, "Lyonnais ka ni a, United-in min hneh khan hrehawm ka ti hle - tunah chuan anni hmachhawn leh hun hi nghakhlel takin ka thlir. Match zawng zawnga hnehna chang turin City hi ka zawm a ni," a ti.

Cherki hian season hman zawh takah khan Lyon tan match 44 khelin goal 12 a khung a, assist vawi 20 a nei bawk.