Club World Cup entu tlem

FIFA lamin Club World Cup tih ropui viau tum mah se, an beisei ang a thleng phak lo - club langsar tel lohna inkhelah entu fans an awm thei meuh lo a, nimin zinga South African club Mamelodi Sundowns leh Ulsan Hyundai inkhelah entu mipui 5,000 an tling lo!

Club pahnih hi mipui 25,500 lenna Inter&Co Stadium-ah an inkhel a, fans 3,412-in a hmunah an en hram - tun inelnaa entu an tlem berna a ni a, Sundowns tan Iqraam Rayners chuan inkhela goal awmchhun a khung a, 1-0 in an chak.

Orlando khawpuia inkhel hi khaw chin awm dan hrilhlawkna avangin darkar khat chuanga inkhelh hun tihkhawtlai a ni hrim hrim bawk a, entu tlem chhan pakhatah a puh theih - club pahnih hian mipui hmuh châk tur player langsar an nei lo bawk.