TV-ah charity match en theih dawn

Mizoram Volleyball Association (MVA) chuan fur ruahtui tla vanga chhiat tawkte tan June 20, Zirtawpni zan hian charity match a buatsaih dawn a, inkhel hi LPS 1-ah en theih a ni dawn a, hemi bakah hian MVA TouTube-ah live a ni bawk ang.

Charity volleyball match leh show neih turah hian TNT Volleyball Club leh Tuichangral Volleyball Club te an inkhel ang a, anni bakah hian Mizoram zaithiam engmawzatin hun an hmang dawn a ni.

TNT hian an coach Lalhmangaihsanga hnuaia lo khel tawh player te, khel mek te leh season thar a khel thar turte nen team an din. Player chawl ta - Rinzuala Hnamte, Lalhmunmawia (Sena), Lalhmingtluanga (Tetluangtea), Malsawmkima te an ko let dawn. Anni bakah Lalliankima, Laldinchhunga, Lalramnghakdika te an ron in lan leh dawn a ni.