Rana-a'n India team a zawm

India cricket team chuan June 20-24, 2025 chhung hian England nen Headingley Carnegie, Leeds-ah Test match vawi nga an khelh tura hmasa ber an khel dawn. May 24, 2025 khan India hian player 18-na squad a puang tawh a, bowling lam ti chak turin pacer Harshit Rana chu koh belh a ni.

November 2024-a India-in Australia an tlawh ṭumin Rana hian ram tana match hmasa ber a khel a, Perth-a Test match hmasa ber an khelh ṭumah wicket li lain Men in Blue hi a chakpui. BCCI chuan Rana tel tur thu hi an tichiang tawh.

Virat Kohli leh Rohit Sharma ten Test match khelh an chawlhsan a, India hi team thar tia sawi theih an ni dawn. Sai Sudharshan chu a vawi khat nan Test match khelh tura koh a ni a, Shubman Gill-a captain-na hnuaia India inkhel tur hi cricket ngainatute an ngaihven ang.

India's squad: Shubman Gill (c), Rishabh Pant (wk), Yashasvi Jaiswal, KL Rahul, Sai Sudharsan, Abhimanyu Easwaran, Karun Nair, Nitish Reddy, Ravindra Jadeja, Dhruv Jurel (wk), Washington Sundar, Shardul Thakur, Jasprit Bumrah, Mohammad Siraj, Prasidh Krishna, Akash Deep, Arshdeep Singh, Kuldeep Yadav, Harshit Rana.