Beiseina kan la nei - Carlisle

Indiana Pacers chuan Zirtawpni zing dar 6:00 hian NBA Finals Game 6 khel turin Oklahoma City Thunder an lo mikhual dawn, an chak lo a nih chuan champion an beiseina a tawp nghal ang.

Best of seven series khelh turin Pacers hi 3-2 in an hniam mek. Pacers coach Rick Carlisle chuan, "Game 7 thlen kan tum, chumi tur chuan game 6-ah hian hnehna chan ngei kan mamawh a, kan tih theih pawh kan beisei bawk.

"Season rei tak chhung kan hmang tawh a, inelna pawh kan khel ṭha ṭhin hle. A laklawh laia tawpsan mai hi kan tum lo, chuvangin stadium khat tlata mipui pungkhawm hmaah match hmuhnawk kan khel ang," tiin a inringtawk hle.

Thunder tan NBA champion ni turin vawi khat chak a tawk a, chutihrualin an inkhelhna tur hi Gainbridge Fieldhouse a nih avangin an tan hna a awlsam dawn ngawt bik lo, inkhel a hmuhnawm ang.