Man United-in Sancho hralh an duh

Manchester United chuan Jadon Sancho chu loan hmanga chhuahtir tawh loin a ngheta hralh chhuah an duh. Sancho hian season liam ta khan loan hmangin Chelsea tan a khel a, league match 31 khelin UCL khel tura tlinpui bakah UEFA Europa Conference League hial chawipui mah se an la nghet lo.

Blues-in Sancho an lak nghet loh chhan hi a hlawh vang a ni. English winger hian kar khatah £300,000 a hlawh a, London club hian loan hmanga an hawh chhung khan a hlawh chanve chauh an pea ngaih a ni.

Man United manager Erik Ten Hag-a'n Sancho hi a chhawr duh lo a, a thlaktu Ruben Amorim pawhin chhawr tumna a nei lo niin a lang. Hei vang hian Man United-in Sancho hralh dan an zawng a, English winger hi a hlawh a tam avangin hralh erawh a awlsam dawn lo.

Napoli pawhin Sancho theihna hi chu an duh a, tuna a hlawh zat ang erawh an pe thei lo. Man United-in a ngheta hralhna tur an hmu lo a nih pawhin loan hmanga chhuahtir dan an zawng tho ang.