Wimbledon khel tur Kvitova

Nau neih vangin kum khat leh a chanve chhung vel a inkhel thei lo a, tunah inkhel thei leh mah se Petra Kvitova hi a ranking a hniam - world number 572 a ni phak chauh.

Mahse, vawi hnih a champion tawhna Wimbledon chuan an theihnghilh lo, duhsak takin wildcard an pe - grass court inelna lian berah hian qualifying khelh hah ngai loin a inlan tlang nghal thei ang.

Kum 35 mi Kvitova hian 2011 leh 2014 khan Wimbledon title hi a lo la tawh a, tun hma lama a boruak ang kha la nei leh rih lo mah se player ngaihven hlawh leh hlauhawm zinga mi a nih a rinawm.

Tournament buatsaih tu lamin an duhsak zawng hnenah wildcard hi an pe ṭhin, tun ṭumah hian Czech Republic player Kvitova chauh hi British mi ni lo zinga wildcard an pek awmchhun a ni hial.