Champhai tan Muanawma a par

Hrangbana Memorial 2nd Mizoram Badminton League-ah Champhai Smashers ten an match hmasa bera Tuikual Shuttlers an hneh hnuah Nilaini zan khan Mission Veng 3-2 in an hneh.

Champhai chakna kawngah MBL1-a Hlimen champion puitu Lalmuanawma a che ṭha a, Mizoram number 2 ni mek Muanawma hi player of the tie-ah thlan a ni. Veteran shuttler Muanawma hi Lalthlamuana nena ṭangdunin 35+ men's doubles a hnehna an chan zawhah Mizoram number 1 RK Manajit Singh a hmachhawn a, he inkhel hi team pahnih danglamna a ni zui ta bawk.

Men's singles inkhel hmuh-nawm bikah doubles khelh zawh vangin Muanawma che buai nghal mah se a tawnhriat hmangin inelna boruak sang tawh tak a tihsan belh a, player naupang zawk RK Manajit Singh a ṭang tluan thei lo. Muan-awma'n Mizoram number 1 a hneh zawh hian Champhaiin 2-1 in hma an hruai a, mixed doubles la zui lehin hnehna an chang.

Zanin hian MBL hi khelh chhun-zawm a ni dawn a, Electric Veng YMA Hall-ah match hnih a awm leh ang.

VAWIIN INKHEL TUR

4:00 PM Champhai Smashers Vs Edenthar Shuttlers

7:00 PM Mission Veng Vs Tuikual Shuttlers

RESULTS - NOVEMBER 2, NILAINI

Category Mission Veng Champhai Smashers Game

MS Abhishek Yeligar Siddarth Manoj Thakur 15-10, 15-11

35+ MD Lalrindika Ralte & Lalmuanawma & 11-15, 10-15

Albert Lalnunhlima Lalthlamuana

MS RK Manajit Singh Lalmuanawma 15- 3, 9-15 , 13 -15

XD Abhishek Yeligar & Siddarth Manoj Thakur & 15-8, 12-15, 14-15

Hmingthianghlimi Ponty Lalramtluangi

MD RK Manajit Singh & Zodinmawia & 15-7, 15-13

Lalhlimpuia Jerry Zodinthara

Champhai-in Mission Veng 3-2 in an hneh. Player of the Tie : Lalmuanawma, Champhai

Note : XD : Mixed Doubles; MS : Men's Singles; MD : Men's Doubles