Celtics lakah Bulls chak lo

NBA season kal meka a vawi khat nan Eastern Conference lamah Chicago Bulls chuan hneh loh an tawng ve ta, a zawna match thum chhung hnehna an chan hnu-ah Bulls hi Boston Celtics lakah 107-100 in an tlawm.

Nimin zing inkhelah Celtics tan Al Horford a inlan theih loh bakah ke rek na vangin Jae Crowder chu minute 13 chiah a inlan thei. Hetichung hian Amir Johnson a rawn inlar a, power forward hian quarter thum naah vawi li zet three point vawm lutin court chhungah minute 29 hun a hman chhungin point 23 a score hman a, ani bakah hian Isaiah Thomas chuan point 23 tho thawk chhuakin hnehna an chan theih nan an thawh hlawk fal hle.

Chicago Bulls hian regular season-a an match ngana atan Inrinni zing dar 5:30-ah New York Knicks an hmachhawn leh ang, tukin zing khan Celtics chu champion lai Cleveland Cavaliers nen an inhmachhawn thung.