Jamshedpur beiseina a nung
Indian Super League inkhelah Jamshedpur FC chuan 1-0 in Bengaluru FC an hneh a, semifinal khelh beiseina an neih chu an chhawm nung ve zel - table-ah pathumna an ni a, an hnuai chiaha awm Bengaluru aiin point khatin an sang zawk.
Jamshedpur tan Stephen Eze chuan minute 79-naah he inkhela goal awmchhun hi a khung a, Bengaluru lamin a chhanletna tur an neih loh avangin JFC hian point thum hlu tak an hlawh chhuak.
Bengaluru tan Edmund Lalrindika chu bench aṭanga lutin tun season ISL-a a match hmasa ber a khel a, mahse, Mizo striker tan minute li chiah hun a awm avangin danglamna thlen hman a ni lo.
Jamshedpur lamah Ricky Lallawmawma leh Laldinliana Renthlei ten inkhel bul an ṭan a, Isaac Vanmalsawma chu minute 59-naah luhtir a ni bawk.
Inkhel Result
Bengaluru 0 - 1 Jamshedpur FC
JFC: Stephen Eze 79'
Zanin Inkhel Tur
Chennaiyin FC 7:30 PM ATK Mohun Bagan