Gabriel-a'n hri leng a kai

Arsenal defender Gabriel chuan Covid-19 a kai tih hmuhchhuah a ni a, natna lang chhuak nei lo mah se amah leh a bul hnaia awmte chu khung hran an nih thu Gunners chuan an tartlang

Brazilian defender hi Pathiannia Chelsea an hneh ṭumin a inlan thei lo a, nizana Brighton nen an inkhelah a tel loh bakah Inrinni zana West Brom an hmachhawn hunah pawh a la inlan thei dawn lo tihna a ni.

Thuchhuah siam in Arsenal chuan, "Gabriel-a'n coronvirus a kai a, United Kingdon sorkar leh Premier League inkaihhruaina dan angin khung hran a ni ang. A dinhmun hi a khat tawkin endik reng a ni ang," an ti.

Gabriel bakah hian defender David Luiz leh midfielder Willian te pawh an awm a nuam chiah lo. Mahse Brazilian player dang pahnih hi chu endik an nih hnuah hri leng an kai lo tih hriat chhuah a ni thung.