Red card leh Chungnunga!

East Bengal centre back Lalchungnunga chu ISL 2024-25 season-a red card hmu hnem ber a ni a, Durtlang tlangval hian vawi thum hnawhchhuah a tawk - Odisha midfielder Ahmed Jahouh chuan red card vawi thum tho a hmu a, Chungnunga nen hnawhchhuah hnem ber an ni.

Hetihrual hian Chungnunga tan lawmna tur a awm a, player of the match-ah vawi hnih thlan a ni a, East Bengal player zingah ani aia player of the match award dawng hnem chu vawi thum dawngtu P.V. Vishnu chiah a awm.