Hma lam panin Sabalenka

Wimbledon inbuatsaihna tournament zinga mi Berlin Open khelh laiah, hmeichhe tennis world number 1 Aryna Sabalenka chuan Rebeka Masarova hnehin quarterfinal a lut.

Belarus nula Sabalenka hian Masarova lakah hian 6-2, 7-6(6) in hnehna a chang a, an inkhel hi a tir lamah ruah sur vangin chawlh lailawk niin Ningani zan khan an khel zo a ni.

Inkhel dangah Coco Gauff erawh a chak lo - French Open champion Gauff hi Chinese player Wang Xinyu lakah 6-3, 6-3 in a tlawm. US star tan Wimbledon hma ngeia insiamṭhat dan kawng zawn a ngai ang.

June 30 aṭangin grass court inelna lian ber Wimbledon an khel ṭan dawn, tennis ngaina tute chuan All England Club lam an thlir leh ṭhup mai dawn a ni.