Serie A manager naupang pahnihna Cuesta

Carlos Cuesta chu Parma manager atan lakluh a ni a, kum 29 mi chauh la niin Italy rama football inelna sang ber Serie A huangah manager ni thei naupan lamah pahnihna a ni.

Tun hmain Elio Loschi chuan US Triestina Calcio 1918 a lo enkawl tawh a, kum 1939 daih tawh kha niin team manager a nih hian kum 29, thla kua leh ni 20 mi a ni a, naupang ber record siamtu a la ni reng.

Parma chuan Cuesta an lalut a, ani hian July 1 aṭangin hna a thawk ṭan ang. Parma enkawl hna a thawh huan hian kum 30 leh ni 26 mi a ni dawn a, Serie A manager ni thei naupan lamah Loschi chauh tluk loh a nei dawn a ni.

Spanish mi Cuesta hian Atletico Madrid academy aṭangin team enkawl hna a thawk ṭan a, chumi hnuah Arsenal manager Mikel Arteta-a assistant manager ni turin North London a pan, tunah chuan hna thar a nei ta a ni.