Durant-a'n Rockets zawm dawn

NBA champion vawi hnih ni tawh Kevin Durant chuan Phoenix Suns a chhuahsan dawn a, season tharah chuan Houston Rockets tan a khel dawn tih a chiang tawh a ni.

Kum 36 mi Dutant hian July tirah Rockets hi a zawm dawn - Durant chauh hi player che vel tur a ni lo, team pahnih indawr dan chuan player che vel hi pariat ngawt an tling dawn a ni.

Player an inthlang tur zingah hian langsar tak tak pawh an awm; guard Jalen Green leh small forward Dillon Brooks te chuan Phoenix lam an pan thung dawn a, player thar thlan chungchangah pawh inremna dang an nei bawk.

Durant hian NBA Most Valuable Player chawimawina pawh kum 2014 khan a lo dawng tawh. United States tan Olympic gold medal vawi li ngawt hlawh chhuak tawhin tawnhriat a nei ṭha hle, a kum tam deuh tawh mah se hliam loa a inkhelh theih chuan a la rintlak ang.