Kessler tan nomawi

Tennis inelna Nottingham Open khelh zawh takah McCartney Kessler a champion. Amercian nula Kessler hian a khingpui Dayana Yastremska chu 6-4 7-5 in a hneh a, tennis a khelh hun chhunga nomawi pathum a vuak chhuahna a ni.

Kessler tan grass court hi hmun ṭha a ni ngai lo. June tir lamah khan Queen’s Club Championship an khel a, khami ṭum khan grass cpurt bikah main draw china hnehna a chan hmasa ber ṭum a tawng, chumi hnua tournament a khelh leh hmasak berah a champion.

Kum 25 mi Kessler chuan, "Hetiang hun han tawk ve mai chu a mak hle mai, kan hma lawka Wimbledon kan khelh tur pawh hian hlimna min thlen ngei ka beisei," tiin a sawi.

June 30 aṭangin grass court inelna lian ber Wimbledon hi an khel ṭan leh tawh dawn a ni.