Palace hralh ṭhen dawn

Crystal Palace neitu zinga mi John Textor chuan Premier League club-a a stake 43% chu a hralh dawn a, American football team New York Jets neitu Woody Johnson chuan pound maktaduai 190-in a lei dawn niin an sawi.

Tun dinhmunah sumdawng pahnihte hian Premier League club thuneitute pawmpuina chauh an nghak tawh nia sawi a ni a, he thuziak i chhiar meuh chuan an inlei fel tawh hial mai thei.

Palace hian season tharah Europa League an khel dawn a, mahse, UEFA danah club neitu pakhat hnuaia awm club-te chu inelna inangah an inkhel thiang lo - Textor hi French club Olympique Lyon neitu a ni tel a, Lyon hian Europa League an khel dawn.

Hetiang teh nuai a nih avang hian FA Cup champion Palace hi Europe-a inlan lo thei dinhmunah an ding hman a, Johnson hian a lei fel a nih erawh chuan buaina a awm lo ang.

Kum 78 mi Johnson hi USA ambassador niin, UK-ah a awm ṭhin a, Johnson & Johnson pharmaceutical company neitu zinga mi niin, a hausakna hi pound tluklehdingawn 6.8 vel niin an sawi.