Spurs-ah Japanese defender

Tottenham chu J League club Kawasaki Frontale nen Japan international Kota Takai chungchangah pound maktaduai ngain an inrem tawh. Kum 20 mi centre back hian thla thar aṭangin London club hi a zawm ang a, Thomas Frank first team squad-ah a tel ang.

Takai hian Japan tan vawi hnih a khel tawh a, nikum September thla khan World Cup qualifier-a China an hmachhawn ṭumin a inlan ṭan. Nikum khan Kawasaki Frontale chuan Japanese Super Cup an chawi a, hmun pawimawh a chang.

Kum 20 mi Takai hi 2024 J League best young player a ni a, Spurs-ah Cristian Romero, Micky van de Ven, Kevin Danso leh Radu Dragusin te nen khelhna hmun an inchuh ang.