Match 3 atan Rico Lewis an hrem

Manchester City chuan FIFA Club World Cup-a an match match hmasa berah Wydad AC 2-0 in an hneh a, hemi ṭuma hnawhchhuah Rico Lewis chu match thum khel thei lo tura hrem a ni.

Rico Lewis hi Pathiannia Man City-in Al Ain 6-0 a an sawp ṭumin a inlan tawh lo a, group match hnuhnung bera Juventus nen June 26, Ningani zan dar 12:30-a a inkhelh tur bakah last 16-ah a inlan thei lo ang.

Kum 20 mi Lewis hi hremna hi a tirah chuan match khat chauh tur a ni a, thil thlen dan ennawn hnuah match thum atan an pawtsei. City hian hremna hi hnukkir turin ngen mah se pawmsak an ni lo.

Lewis awm loh vangin match hnuhnung berah Matheus Nunes chuan right wing back hna a chelh a, English full back hi an hrem chhunzawm avangin Nunes-a'n a hmun ruak hi a luah khat rih ang.