Khaw lum vanga harsatna tawk Chelsea

Tukin zing dar 6:30 hian Chelsea-in group match hnuhnung berah Esperance de Tunis an hmachhawn dawn a, London club tan knockout stage lut turin point khat a tawk.

Chelsea inkulhna Philadelphia hi 37 degree celsius te a ni a, an inkhelh hun tur hi anmahni hunah zan dar 9:00 ni mah se European player chuan boruak lum ringawt hi buaina tham a tling.

Enzo Maresca chuan, "Khaw lum vang hian training theih loh tluk a ni a, inkhelh hun atan tha kan khek a ngaih bawk avangin inpuahchah thiam a harsa hle. Dik taka sawi chuan chhuanlam siam kan duh lo a, mah se thil nihna dik tak a ni si. Kan theihna zawng zawng erawh kan chhuah ang," tiin a sawi.

Blues hian group match hnuhnung berah Flamengo 3-1 in an hneh lo a, Brazilian club hian group D aṭangin last 16 an lut tawh. Chelsea leh Esperance de Tunis te hian hmun ruak pakhat an inchuh dawn.