Thunder leh Pacers inkhel entu an tam

Oklahoma City Thunder leh Indiana Pacers ten NBA Fianls Game 7 an khelh kha online hmanga entu an tam hle a, kum 2019 hnu lama entu an tam leh ber ṭum a ni hial.

Game 7 kha ABC leh ESPN+ kaltlanga entu kha chawhrual chuan maktaduai 16.353 an tling a, entu an tam lai ber chuan maktaduai 19.281 an tling hial a ni.

Kum 2019 khan Golden State Warriors leh Toronto Raptors ten NBA Finals Game 6 an khelh chu chawhrualin mi maktaduai 18.3 zetin an en a, anni hnuah kuma Game 7 kha entu an tam leh ber ṭum a ni hial.

Tun season NBA finals match zawng zawng chawhruala entu erawh maktaduai 10.266 ni a, nikum a phak lo. Season hmasa lama Boston Celtics leh Dallas Mavericks te inkhel entu kha maktaduai 11.3 an tling phak.