Swiatek dinhmun a ṭha lo

Hmeichhe tennis thuneitu sang Women's Tennis Association (WTA) chuan world ranking thar an ti chhuak - Wimbledon hma lama ranking chhuak hnuhnung ber turah hian Iga Swiatek chu pariatna a ni.

Polish nula Swiatek hian hun rei tak chhung chu number 1 dinhmun a luah tawh ṭhin, mahse nikum chawhnu lam aṭang khan nasa takin a tlahniam; thla khat chhung hrem a nih hnuah phei chuan ngai a la awh leh lo.

A khelh ṭhat lai pawhin Swiatek tan Wimbledon hi hmun ṭha a ni ngai lo, kum 2023 khan quarterfinal a lut a, hemi bak chu thlen san pawh a la nei lo a, kuminah pawh beisei a nei sang ngam lo ang.

Aryna Sabalenka erawh a chung berah a la awmchhunzawm - Belarus nula hian ranking lamah chuan amah nek buai phaktu a hmu rih lo tia sawi theih a ni; tun ṭumah pawh hian player en hlawh bik a ni dawn.

Grass court a nih avangin beisei loh result kan hmu nual ṭhin a, a bik takin hmeichhe player zingah champion tur sawi thiam a harsa. Zirtawpniah Wimbledon khelh dan tur hi pawh a ni dawn a, inhmachhawn tur kan hre thuai dawn a ni.