Grass-ah Osaka a chak

Wimbledon khelh hun a hnai tawh a, player ṭha tam zawk chu tun kar chhungin an hahchawl. Naomi Osaka erawhin inbuatsaihna a la nei thung - Homburg Open khelh laiah inlanin a match hmasa berah hnehna a chang.

Grand Slam vawi li champion tawh Osaka hi Olga Danilovic nen an intawng a, inkhel hmuhnawm takah Japanese star Osaka hi 7-6(6), 7-6(4) in a chak; last 16-ah Emma Navarro nen an intawng zui leh nghal a, result erawh kan hre hman lo.

Kum 27 mi Osaka chuan, "Kumin chhungin grass court bikah hnehna ka chan vawi khatna a ni, ka tan chuan hnehna chan hi chanchin lawmawm bik a ni chiang hle, chhunzawm zel theih pawh ka duh," tiin a sawi.

A vanglai pawhin Osaka hian grass-a inkhelh a harsat ṭhin, kuminah pawh Wimbledon a khel a nih pawhin champion tura rinkai zingah a tel phak lo ang.