City hmaah Boro

Manchester City ma-na-ger Pep Guardiola-a'n Champions League-a Barcelona an hneh avangin player rilru puthmang pawh a danglam tur thu a sawi a, zanin dar 8:30-a Middlesbrough an mi-khual hunah a chiang ang.

City hi Arsenal leh Liverpool te nen point 23 ṭheuh an hmu tawh a, goal difference ṭhat vang chauhin a chung berah an awm - chetsual a thiang lo tihna a ni. Pep Guardiola hnuaiah City hi inelna hrang hrang match 10 chhung an chak a, hemi hnu match rukah erawh a zawn thoin chak hmel an hmu lo. Amaehrawhchu City hian an hmelma Manchester United an hneh loh hnuah West Brom chu 4-0 zetin an sawp a, Barcelona (3-1) an hneh leh bawk avangin Pep-a hote hi an phur vanglai tak a ni.

Germany internatio-nal midfielder Ilkay Gundo-gan chet ṭhat lai a ni a, Sergio Aguero lah Catalan club lakah goal khung lo mah se West Brom lakah goal hnih a khung a, Kevin De Bryune a dam leh tawh bawk. Aitor Karanka hote hian Etihad Stadium-ah point an hlawh chhuak hrim hrim a nih chuan Boro tan result ṭha bik a ni ang.

Zanin Inkhel Tur

AFC Bournemouth 8:30 PM Sunderland

Burnley 8:30 PM Crystal Palace

Manchester City 8:30 PM Middlesbrough

West Ham United 8:30 PM Stoke City

Chelsea 11:00 PM Everton

November 6, Pathianni

Arsenal 5:30 PM Tottenham Hotspur

Hull City 7:45 PM Southampton

Liverpool 7:45 PM Watford

Swansea City 8:30 PM Manchester United

Leicester City 10:00 PM West Brom