Swansea-in Berbatov an beisei

Premier League club Swansea City manager Bob Bradley chuan Manchester United striker hlui Dimitar Berbatov chu lakluh tuma an hel thu a sawi. Kum 35-a upa striker hian June-a Greek club PAOK a chhuahsan hnuah club nei loin a awm mek.

Bradley chuan, "Dimi-tar nen hian kan in-hmu fo a, Premier League-a lo kir hi a chak tih ka hria a ni. Kan club chhungkuaa mi te pawn Premier League-a lo let leh a duh thu hi an hria a, kan titi honaah pawh a hming hi lamrik a ni," tiin Bulgarian striker lakluh an duh thu a pha lo.

Bulgaria tan vawi 78 inlana goal 48 khung thei Berbatov hian Premier League-ah Tottenham Hotspur, United leh Fulham tan a khelh hnuin kum 2014 khan French club Monaco a zawm a, season khat a khelh hnuah PAOK hi a zawm leh a ni.