Zaninah Bayern vs Hoffenheim

Bundesliga season kal mekah hneh loh la tawng lo club pathum an awm a, champion lai Bayern Munich leh kai thar RB Leipzig bakah Lammuala Mizoram team nena inkhel tawh TSG 1899 Hoffenheim te an ni.

Zanin dar 8:00 hian Bayern khelmual hman thiam Allianz Arena-ah Hoffenheim an lenglut dawn a, league hmahruaitu Carlo Ancelotti naute hian point hnih chauha hma an la hruai avangin an dinhmun a him bik lo a; an dinhmun ngai luah chhunzawm turin chetsual a thiang lo - inkhel pawimawh a ni dawn.

Bundesliga bikah chuan Bayern hian Hof-fenheim lakah record an nei ṭha hle a, an intawn hnuhnung 16-ah chak loh an nei miah lo. An khelmualah bik phei chuan goal hnih aia tlem lo an lo khung sak ziah. Hei erawh hre tel ila - Hoffenheim hian tun hnaia an league match hnuhnung pangaah hneh-na an chan vek avangin Bayern hi an huphurh bik lo ang.

Hoffenheim tan hian khualmuala point hmun tur chuan Robert Le-wandowski ven uluk a ngai ang, Poland international striker hian Bayern Munich tan league-ah goal sarih a khung tawh.