Table mawngphahah Pune

Pune City-in season ṭan dawnah champion beiseiin ISL hmasa bera Atletico de Kolkata coach Antonio Lopez Habas lalut mah se Ningani zanah an mikhual FC Goa chu 1-0 in an hneh lo a, table mawng berah an awm.

Shree Shiv Chhatrapati Sports Complex Stadium-a inkhel entu mi 8,500 hmaah mikhual team an tlangnel a, minute 32-naah Goa midfielder Joffre chu Pune defender Augustin Fernandes-a'n a tih tluk avangin freekick an chawi. Brazil U18 tana lo inlan tawh striker Rafael Coelho a lo pen chhuak a, kum 28-a upa striker hian harsatna nei loin goal ropui khung nan a hmang - goal dang a lut tawh lo a, Goa-in hnehna an chang.

Pune City coach Antonio Habas chuan, "Kan theihna zawng zawng nen kan khel a, kan result hlawhchhuah hi kan phu lo a ni. First half-ah penalty hlawhchhuahna hun ṭha kan nei a, mah se referee-in min pek ṭul a tih miau loh avangin tih theih kan nei tlem hle a ni," tiin referee vanga hnehna chang loah a inngai.