Ighalo-a'n United training ground hmang lo

Manchester United chuan an player thar Odion Ighalo chu 'coronavirus' vanga fimkhur thil thuah an training ground an hmantir lo.

United hian Ighalo hi Spain-a training an neihnaah a let lehna lamah harsatna a tawh hlauin an hruai ve lo a, club puihna thoin training erawh mimalin a nei mek. Nigerian forward training-na hmun hi National Taekwondo Centre-ah a ni a, helai hmunah hian England a thlentiraṭangin ni 11 chhung chu a awm tawh a ni.

Coronavirus laka inven nan tunah hian China aṭanga UK-a lutte chu ni 14 chhung dah hran tur a ni a. BBC-in a tarlan danin coronavirus natna kai mi sing ruk an tling tawh a, mi 1,350 aia tam an thi tawh.

United manager Ole Gunnar Solskjaer chuan Ighalo hi Thawhṭanni zana Stamford Bridge an tlawh hunah Chelsea hmachhawn squad-a dah a tum thu a sawi tawh. Blues an hmachhawn meuh chuan Nigerian forward hi ni 14 dah hran a nih tawh dawn avangin a teammate thar turte bulah a awm thei tawh ang.