Napoli leh Lazio intiat tawk

Season hmasa Italian Serie A pahnihna Napoli chuan a zawnin league match hnihah hnehna an chang zo ta lo. Inrinni zan inkhelah an mikhual Lazio nen 1-1 a inhnehtawkin point khata an lungawi a ṭul.

Stadio San Paolo-a inkhelah Marek Hamsik-a goal khung chu Lazio tan Keita Balde Diao chuan a sut. Maurizio Sarri naute hian season hmasa khan champion lai Juventus 2-1 in an hneh lo tawh a, tunah hian point 21 hmuin league table-ah pangana an ni mek - Juve an phak lohna hi point ruk a ni tawh.

Inkhel dangah Joe Hart-a khelhna Torino chuan Cagliari 5-1 in an sawp. Sinisa Mihajlovic enkawl Torino hian Serie A an match hnuhnung pathum aṭangin point hnih chiah an hmuh theih avangin an dinhmun a hnufual hman a, point thum an hmuh leh tak avangin pasarihnaah an inhlangkai.