Mission Veng nge tla dawn Edenthar?

Zanin dar 7:00 hian Mission Veng leh Edenthar te Electric Veng YMA Hall-ah Hrangbana Memorial 2nd Mizoram Bad-minton League semifinal luh inchuhin a inkhel dawn. He inkhel hi league match hnuhnung ber a ni a, vawiin tlai dar 4:00 hian Tuikual Shuttlers leh Saron Veng Jeremy's Smashers te an inkhel bawk ang.

Semifinal-ah Champhai

MBL2-a semifinal lut chiang hmasa ber chu Aizawl khaw pawn aṭanga tel awmchhun Cham-phai Shuttlers te an ni.

Champhai hian Zirtawpni zanah Edenthar 3-2 in an hneh a, Inrinni zanah Saron Veng Jeremy's Smashers hneh lo mah se a hniam berah an awm thei tawh lo. Team panga awmna MBL-ah a sang paliin semifinal an khelh dawn avangin chhiarkawp dan thlapin Champhaiin semifinal an lut.

Saron an him?

Saron Veng Jeremy's Sma-shers-in point kua an hmuh tawh avangin Tuikual Shuttlers lakah match la lo pawh ni se an vanduai loh chuan semifinal an luh theih tho a rinawm. MBL-a men's singles-a la chak vek Daniel S. Farid an kawl bawk avangin a sang pali zingah chuan an tel ngei ang.

Tuikual Shuttlers erawh an chak lo a nih pawhin match hnih an chak thei a nih chuan Mission Veng leh Edenthar Shuttlers nen point kua hmu vek se, November 3 zana Edenthar an hneh avangin semifinal an lut tho ang.

Mission Veng beiseina

Edenthar Shuttlers-in match zawna Tuikual Shuttlers leh Champhai Smashers te an hneh loh avangin zanina tla thei dinhmunah an ding a, Mission Veng an hneh lo a nih ngat chuan semifinal luh theihna kawng a zim tawh hle.

Mission Veng erawhin Zir-tawpni zanah Tuikual Shuttlers an hneh a, table mawngphahah la awm mah se semifinal lut turin Edenthar hneh a tawk.

Mission Vengin Tuikual an hneh ṭumin Abhishek Yeligar chu player of the tie a thlan a ni a, Karnataka shuttler hi Edenthar an hmachhawn hunah a pawimawh ang. Mizoram number 1 Manajit Singh erawhin men's single-ah hneh a la nei lo a, auction laia player manto ber hi zaninah en bik a hlawh ang.

Edenthar lamin state pawn player an nei lo a, hei vang hian doubles lakah an chet ṭhat a ṭul ang. Mizoram number 1 pawh lo ni tawh Samuel Lalnunmawia chu men's leh mixed doubles-ah a ṭangkai ve ve dawn a, hmeichhe player F. Vanlalhriatpuii a pawimawh dawn.

Saron nula Hriatpuii hi mixed doubles-ah Mizoram number 1 a ni a, a club khelhna Eden-tharin match hnuhnung berah Champhai hneh lo mah se player of the tie-ah thlan a ni.

Inkhel Results

Champhaiin Edenthar 3 - 2 in an hneh

Category Champhai Smashers Edenthar Shuttlers Game

MD Lalmuanawma & Samuel Lalnunmawia & 15 - 13, 15 - 13

Siddarth Manoj Thakur Zarzokima

XD Jerry Zodinthara & Samuel Lalnunmawia & 5 - 15, 7 - 15

Ponty Lalramtluangi F. Vanlalhriatpuii

MS Malsawmsanga Zothansanga 15 - 11, 15 - 6

35+ MD Lalmuanawma & Lalthanliana & 11 - 15, 13 - 15

C. Hualdingpuia T. Lalnunpuia

MS Siddarth Manoj Thakur Zarzokima 15 - 5, 15 - 8

Player of the Tie : F. Vanlalhriatpuii, Edenthar

Mission Vengin Tuikual 3 - 2 in an hneh

Category Mission Veng Tuikual Shuttlers Game

MD Abhishek Yeligar & Neeraj Vashisth & 15 - 11, 15 - 14

RK Manajit Singh Lalduhawma

XD Lalhlimpuia & H. Lalawmpuia & 7 - 15, 12 - 15

Hmingthianghlimi Lalrinzuali

MS Abhishek Yeligar Lalduhawma 15 - 10, 15 - 10

35+ MD Lalrindika Ralte & Lalbiakmawia & 15 - 12, 15 - 11

Albert Lalnunhlima Benjamin Lalrintluanga

MS RK Manajit Singh Neeraj Vashisth 13 - 15, 13 - 15

Player of the Tie : Abhishek Yeligar, Mission Veng

Saron Jeremy's Smashers-in Champhai 3 - 2 in an HNEH

Category Champhai Smashers Saron Jeremy's Smashers Game

MS Lalsupuithanga Daniel S. Farid 6 - 15, 2 - 15

MS Siddarth Manoj Thakur Lalbiaksanga 15 - 7, 15 - 10

35+MD Lalmuanawma & K. Lalrinnunga & 15 - 13, 10 - 15, 10 - 15

Lalthlamuana Benjamin Lalrammuana

XD Siddarth Manoj Thakur & Lalbiaksanga & 15 - 11, 15 - 7

Ponty Lalramtluangi Lalduhzuali

MD Ngurhmingliana & Daniel S. Farid & 6 - 15, 13 - 15

C. Zothangsanga M. Joseph

Player of the Tie : K. Lalrinnunga, Saron Jeremy's Smashers