RG Stadium-ah goal 21 a lut

8th November, 2016

Flying Christabel Mizo-ram Premier League Under 18-ah Chhinga Veng leh Chanmari West ten goal an surtir a, club pahnih goal khung zat hi goal 17 teh meuh a ni.

Nimina RG Stadium-a inkhelah Chhinga Vengin Dinthar FC 7-1 in an sawp a, league hmahruaitu an ni chiang tawh. Chanmari West FC-in Zo United 10-0 in an sawp a, West Warrior hian semifinal ticket neiin Zo United erawhin beisei tur an nei tawh lo.

Inkhel dangah Chan-mari FC-in Ramhlun North FC 2-0 in an hneh a, MPL kaithar hian beisei tur an nei tawh lo.

Bethlehem Veng-thlang FC-in semifinal beseina nung nei turin Aizawl FC 1-0 in an hneh bawk. Nimin hian RG Stadium-ah goal 21 a lut a, Lammuala khelh Round 5-ah khan goal 21 a lut tawh bawk. MPL5 U18 match 24 khelh tawhah goal 90 a lut tawh a, match tina goal 3.75 lut ang a ni.

BVT hian an match hnuhnung bera Zo United an hneh hrim hrim chuan semifinal an lut dawn a, Aizawl FC erawh Chanmari FC an hneh loh chuan tla thei an ni.

MPL Under 17 hming a put laia vawi hnih champion tawh Chanmari FC hian point kua an hmu tawh a, Aizawl FC (12 Pts) an hneh theih chuan point hmuh zat inangah head to head a an ṭhat zawk dawn avangin semifinal an lut ang.

MPL Under 18 semi-final hi November 17 leh 18-ah khelh a ni ang a, final hi November 22 zana khelh turin ruahmanna siam a ni.

Nimin Inkhel Results

Zo United FC 0 - 10 Chanmari West FC

CWFC : Lalrinpuia 22', 45', 50', 71'; C. Lalthansanga 50',

58', 59', 81'; Lalchawimawia 84' , Lalmuankima 85'

Chanmari FC 2 - 0 Ramhlun North FC

CFC : Eneso Lalduhsaka 50'; Lallawmawma 52'

Dinthar FC 1 - 7 Chhinga Veng FC

DFC : Joseph Lalvenhima 34'

CVFC : Lalchhanchhuaha 9', 57'; Laldinpuia 14';

Zomuanthanga 25'; Vanlalhmunsiama 58';

F. Lalnuntluanga 59'; F. Lalnuntluanga 59'; Lalrohlua 86'

Bethlehem FC 1 - 0 Aizawl FC

BVT : Joel Lalmuanpuia 60'

ROUND 7 - Lammual

November 10, Ningani

10:00 AM Ramhlun North FC Vs Dinthar FC

12:00 AM Chanmari West FC Vs Chhinga Veng FC

November 11, Zirtawpni

10:00 AM Aizawl FC Vs Chanmari FC

12:00 AM Bethlehem VT Vs Zo United FC

Team Dinhmun

# Team Pld W D L GF GA GD Pts

1 Chhinga Veng FC 6 6 0 0 19 3 16 18

2 Chanmari West FC 6 4 1 1 31 6 25 13

3 Aizawl FC 6 4 0 2 11 3 8 12

4 Bethlehem VT 6 3 1 2 11 10 1 10

5 Chanmari FC 6 3 0 3 7 14 -7 9

6 Zo United 6 1 1 4 5 19 -14 4

7 Ramhlun North FC 6 1 0 5 3 13 -10 3

8 Dinthar FC 6 0 1 5 3 22 -19 1