Leipzig-in Bayern an nihrual

Bundesliga kaithar RB Leipzig-in season duhawm an hmang chhunzawm zel. Pathianni zan khan Leipzig hian Timo Werner goal hnih leh Emil Forsberg-a goal khat hmangin Mainz 3-1 in an hneh a, point 24 hmuin champion lai leh league hmahruaitu Bayern Munich an nih rual!

Kum 2009 May 16 a din chauh Leipzig hian Bundesliga-a an season hmasa berah hian match 10 an khelh tawh aṭangin hneh loh an la tawng lo a, goal 20 khung tawhin an lamah goal sarih chiah a la lut - anni aia goal chhuah tlem chu Bayern Munich (6) chiah an ni.

Leipzig sporting director Ralf Rangnick chuan, "Season ṭan hma khan league match 10 kan khelh hnuah kan dinhmun a lang ang tiin ka lo sawi lawk tawh a, tunah chuan kawng dik kan zawh tih a chiang," tiin a sawi.