Pune City an chak ve ta

Antonio Habas enkawlna hnuaia khel Pune City-in table mawngphah chhuahsan turin Pathianni zan khan an mikhual Atletico de Kolkata an barakhaih a, Shree Shiv Chhatrapati Sports Complex Stadium-a inkhelah an mikhual hi 2-1 in an hneh.

Pune tan Eduardo Ferreira chuan minute 41-naah goal hma-hruai a khung a, second half-ah ATK defender Pritam Kotal handball vanga an penalty hlawhchhuah chu Anibal Rodri-guez chuan an goal hnihna turin a khung ve bawk. Porto striker hlui Helder Postiga tih tluk a nih hnuah Kolkata club-in penalty an hlawh chhuak ve leh a, Ian Hume chuan goal-ah chantir mah se goal hnihna an neih theih tawh loh avangin an tlawm ta a ni.

ATK tan Emerging Player of the Match-a thlan a nih hnu lawkah Lalrindika Ralte chuan inkhel bul a ṭan a, tlarhnung lamah Robert Lalthlamuana chuan Kolkata club tan hian bul a ṭan bawk.