PSG chak niah Nice chak lo

Pathianni zan French Ligue 1 inkhelah Paris St-Germain chuan Rennes 4-0 a sawpin hmalam an pan zel a, inkhel dangah hma-hruaitu Nice chu tun season-a a vawi khat nan Caen lakah an chak lo thung.

PSG tan Edinson Ca-vani chuan tun season-a a goal 15-na a khung a, ani bakah hian Adrien Rabiot leh Marco Verratti ten goal khat khungin Gel-son Fernandes-a'n an lamah a ti lut palh bawk. Second half ṭan tirhah Uruguay international Cavani hi malpui hliam vangin lak-chhuah a ngai a, a chawlh rei zawng tur hriat a la ni lo.

Inkhel dangah beisei phak baka season hmang ṭha mek Nice tan Mario Balotelli-a'n goal ban pet perin league-a goal nga khung tawh Liverpool striker hlui hi a vanneihni a ni lo a, Caen tana Ivan Santini penalty pet luh an sut theih loh avangin an hmahruaina an sawh nghet thei bik lo.

Ligue 1 match 12 khelh tawh aṭangin Nice hian point 29 hmuin hmahruaitu an la nih chhunzawm zel a, anmahni hnaih bertu Monaco nen point thum chiahin an inthlau - cham-pion lai PSG pawhin point 26 tho an hmu.