England squad-ah Kane leh Wilshere

England manager Gareth South-gate chuan World Cup qualifier-a Scotland leh friendly match-a Spain hmachhawn tur player 25 awm-na squad a puang a, Tottenham Hot-spurs forward Harry Kane leh Bour-nemouth-in Arsenal aṭanga an hawh mek Jack Wilshere te chu telh an ni.

Kum 46-a upa Southgate chuan, "Wilshere hian theihna sang tak a nei a, khelmual chhungah hun tam zawk a hman leh tak avangin England squad-a koh let hi a hun leh tawhin kan hria," tiin Bournemouth midfielder a koh telh chhan a sawi.

Wilshere hian Euro 2016 hnuah a vawi khat nan squad-ah koh a ni a, English midfielder ruala koh tel Kane hian nghalrek hliam vangin Malta leh Slovenia te a hmachhawn thei lo.

Zirtawpni zan hian Wembley Stadium-ah England-in Scotland an hmachhawn ang a, November 15 zanah Spain an mikhual leh bawk ang.

England Squad

Goalkeepers : Forster (Southampton), Hart (Torino), Heaton (Burnley)

Defenders : Bertrand (Southampton), Cahill (Chelsea), Clyne (Liverpool), Jagielka (Everton), Keane (Burnley), Rose (Tottenham), Stones (Man City), Walker (Tottenham)

Midfielders : Dier (Tottenham), Drinkwater (Leicester), Henderson (Liverpool), Wilshere (Bournemouth), Lallana (Liverpool), Lingard (Man Utd), Rooney (Man Utd), Sterling (Man City), Townsend (Crystal Palace)

Forwards : Walcott (Arsenal), Kane (Tottenham), Rashford (Man Utd), Sturridge (Liverpool), Vardy (Leicester).