Van Persie dinhmun a ṭha

Pathianni zan khan Arsenal striker hlui Robin van Persie chu Akhisar nen an inkhelh ṭumin a mitah hliam a tuar a, khelmual aṭanga zawn chhuah anih laiin a mit aṭanga thisen a chhuah avangin a dinhmun a ṭha lo hlea ngaih a ni hman.

Mahse, Netherlands captain hlui Van Persie hliam hi endik a nih hnuah Fenerbahce doctor Burak Kunduraciogl chuan an player dinhmun a ṭhat thu a sawi. Fenerbahce-in Akhisar 3-1 an hneh
ṭumin Van Persie hian goal hmahruai a khung a, mah se kum 33-a upa striker hi a hliam vang hian minute 37-naah zawn chhuah a ni.

Club doctor Burak Kun-duraciogl chuan, "Van Persie khan a mitah hliam a tuar a, thisen pawh a chhuak. A hliam endik a nih hnuah a din-hmun a ṭha e," tiin a sawi.

Manchester United tana Premier League nomawi chawi tawh Van Persie hian kum 2015 July khan Turkish club hi a zawm a, tun season-ah Fenerbahce tan league match riat a khelh aṭangin goal li a khung tawh.